你的瀏覽器已禁用了JavaScript,請啟用!

成本上漲,3月16日運費調整通知

2022/3/10 17:00:02 返回
好對唔住各位會員,真係好難頂。

海運同港車既運費成本,已經飊到痴左線,
關卡重重,每個關卡講到尾都係畀錢,
每星期畀錢都倒水咁,係咩原因我地哩啲星斗市民唔知,
總之就係要畀。
不要問,只要信。

係逆市下加價好衰格,但我地唔係為左發死人財,
而現況真係已經冚唔到個成本,
司機大佬搵命搏,倉務做到隻狗咁,
我地真係做唔出減佢地人工。
中港運費已經失控,總之加一個流程呀!就預左畀錢啦!
荷包先清零。

由3月16日起, 運費會作出以下調整:
所有到港服務 - 首重及續重加1RMB,住宅附加費維持$15
(至於無即時做出調整運費既決定 , 係想客人有更多時間空間去選擇)
疫情好轉,因‘防疫’出現而新增既流程如取消,
成本可以回落時,我地承諾會回復番正常收費。

我地知道可能會因為加左 哩1RMB而畀人鬧爆,
客人轉會,但真係入肉了….
做得愈多蝕得愈多真係一件好神奇既事。
加左價係咪就平衡到收支?真心講,係唔得既。

只係想拖長條命仔 ‘頂住先’ 唔駛入晒肉。
只希望早日挨過哩個難關,有機會可以再做優惠畀大家。

祝我地,你地,香港地,‘頂住‘。